ທີ່ຕັ້ງ ແລະ ພາລະບົດບາດ

      ພະແນກສຶກສາທິການ ແລະ ກິລາແຂວງ ຂຽນດ້ວຍອັກສອນຫຍໍ້ວ່າ ສກຂ ແລະ ຂຽນເປັນພາສາອັງກິດ Xaysomboun Provincial Department of Education and Sports ຕົວອັກສອນຫຍໍ້ XPDES ແມ່ນກົງຈັກການຈັດຕັ້ງຫນຶ່ງຂອງແຂວງ, ມີພາລະບົດບາດເປັນເສນາທິການໃຫ້ແກ່ ເຈົ້າແຂວງ ແລະ ລັດຖະມົນຕີກະຊວງສຶກສາທິການ ແລະ ກິລາ ໃນການຄຸ້ມຄອງວຽກງານ-ຄຸ້ມຄອງການສຶກ ສາ ແລະ ກິລາ; ວຽກງານພັດທະນາຄູ ແລະ ວິທະຍາສາດ; ວຽກງານການສຶກສາກ່ອນໄວຮຽນ; ວຽກງານ ສາມັນສຶກສາ; ວຽກງານການສຶກສານອກໂຮງຮຽນ, ຝຶກອົບຮົມວິຊາຊີບຂັ້ນພື້ນຖານ, ອາຊີວະສຶກສາ, ການ ສຶກສາຊັ້ນສູງ ແລະ ວຽກງານກິລາ-ກາຍຍະກໍາ ແລະ ສິລະປະສຶກສາໃນທົ່ວແຂວງ;

ໜ້າທີ ແລະ ຂອບເຂດສິດ

• ໜ້າທີ
  1. ຜັນຂະຫຍາຍແນວທາງນະໂຍບາຍ, ກົດລະບຽບ, ມະຕິ, ຄໍາສັ່ງຂອງພັກ, ກົດຫມາຍຂອງລັດ, ທິດທາງ ແຜນການ ແລະ ຍຸດທະສາດຂອງກະຊວງສຶກສາທິການ ແລະ ກິລາ ເພື່ອສ້າງເປັນແຜນພັດທະນາວຽກ ງານຂອງຕົນ;
  2. ສ້າງ ແລະ ປັບປຸງບັນດານິຕິກໍາ, ລະບຽບການຕ່າງໆ ໃນການຄຸ້ມຄອງວຽກງານການສຶກສາ, ວິທະຍາ ສາດ ແລະ ກິລາພາຍໃນແຂວງ;
  3. ໂຄສະນາເຜີຍແຜ່ກົດຫມາຍ, ລະບຽບການ, ແຜນການ, ແຜນງານ, ໂຄງການພັດທະນາການສຶກສາ, ວິ ທະຍາສາດ ແລະ ກິລາພາຍໃນແຂວງ;
  4. ປັບປຸງການຈັດຕັ້ງ ແລະ ການຄຸ້ມຄອງການສຶກສາ ແລະ ກິລາ ໃຫ້ສອດຄ່ອງກັບແຜນພັດທະນາ ເສດຖະກິດ-ສັງຄົມຂອງແຂວງ ແລະ ລັດຖະບານໃນແຕ່ລະໄລຍະ;
  5. ຊີ້ນໍາ, ນໍາພາ ຈັດຕັ້ງປະຕິບັດແຜນການ, ການສຶກສາກ່ອນໄວຮຽນ, ສາມັນສຶກສາ, ການລົບລ້າງຄວາມ ບໍ່ຮູ້ຫນັງສື, ການຍົກລະດັບ ແລະ ຝຶກອົບຮົມວິຊາຊີບຂັ້ນພື້ນຖານ;
  6. ຈັດພີມຫົວບົດສອບເສັງ, ຈັດຕັ້ງປະຕິບັດການສອບເສັງຈົບຊັ້ນ, ອອກປະກາສະນິຍະບັດຊັ້ນ ມັດທະຍົມຕອນປາຍໃນໂຮງຮຽນທັງພາກລັດ ແລະ ເອກະຊົນ ແລະ ຂຶ້ນທະບຽນປະກາສະນິຍະບັດ ມັດທະຍົມຕອນຕົ້ນ ແລະ ອາຊີວະສຶກສາຊັ້ນຕົ້ນ;
  7. ຄົ້ນຄວ້າ ແລະ ຄັດເລືອກ ການໃຫ້ຕໍາແຫນ່ງວິຊາການຄູ ພາຍໃນແຂວງ;
  8. ສ້າງ, ພັດທະນາຫຼັກສູດທ້ອງຖິ່ນ, ອຸປະກອນ, ສື່ການຮຽນ-ການສອນ ແລະ ສິ່ງອໍານວຍຄວາມ ສະດວກ ຕ່າງໆ ເພື່ອຮັບໃຊ້ວຽກງານການສຶກສາ, ວິທະຍາສາດ ແລະ ກິລາພາຍໃນແຂວງ;
  9. ຄຸ້ມຄອງບັນດາໂຮງຮຽນມັດທະຍົມຕອນປາຍ, ມັດທະຍົມສົມບູນ, ໂຮງຮຽນສາມັນກິນນອນຊົນເຜົ່າ, ໂຮງຮຽນວິຊາຊີບ, ສູນຝຶກວິຊາຊີບ, ສູນສຶກສານິເທດ, ສູນໄອຊີທີ, ສູນການສຶກສານອກໂຮງຮຽນ, ວິ ທະຍາໄລ, ສະຖານການສຶກສາສົງ, ສະໂມສອນກິລາ, ຫົວຫນ່ວຍທຸລະກິດກິລາ, ສະຫນາມກິລາ ແລະ ຫົວຫນ່ວຍວິຊາການອື່ນ ທີ່ຂຶ້ນກັບແຂວງ;
  10. ສ້າງແຜນພັດທະນາຊັບພະຍາກອນມະນຸດ, ແຜ່ນການກໍ່ສ້າງ, ຝຶກອົບຮົມ, ຍົກລະດັບຄູ, ຄູຝຶກກິລາ- ກາຍຍະກໍາ ແລະ ບຸກຄະລາກອນການສຶກສາ ແລະ ກິລາ ພາຍໃນແຂວງ;
  11. ສ້າງແຜນການຈັດຕັ້ງການຮຽນ-ການສອນ ກ່ຽວກັບການສຶກສາຮຽນຮູ້ຕະຫຼອດຊີວິດ ພາຍໃນແຂວງ;
  12. ຈັດຕັ້ງປະຕິບັດວຽກງານພະລະ ແລະ ສິລະປະສຶກສາ, ກິລາ-ກາຍຍະກໍາ - ມວນຊົນ, ກິລາລະດັບສູງ ພາຍໃນແຂວງ;
  13. ຄຸ້ມຄອງ, ສ້າງຖານເກັບກໍາຂໍ້ມູນ ຂ່າວສານການສຶກສາ ແລະ ກິລາ, ຄູ ແລະ ນັກຮຽນພາຍໃນແຂວງ;
  14. ຄຸ້ມຄອງຄູ ແລະ ບຸກຄະລາກອນການສຶກສາ ແລະ ກິລາ ຕາມການແບ່ງຂັ້ນຄຸ້ມຄອງ;
  15. ຄົ້ນຄວ້າ ການບັນຈຸ, ສັບຊ້ອນ, ການແຕ່ງຕັ້ງ, ຍົກຍ້າຍ, ປົດຕໍາແຫນ່ງ, ຍ້ອງຍໍ, ປະຕິບັດວິໄນ, ການກໍາ ນົດຕໍາແຫນ່ງງານຂອງຄູ ແລະ ບຸກຄະລາກອນການສຶກສາ ແລະ ກິລາ ຕາມກົດຫມາຍ ແລະ ລະບຽບ
  ການ;
  16. ຄຸ້ມຄອງ ແລະ ບໍລິຫານງົບປະມານການເງິນ, ການບັນຊີ, ຊັບສິນ-ວັດສະດຸ, ການປຸກສ້າງ-ສ້ອມແປງ, ການຈັດຊື້-ຈັດຈ້າງດ້ວຍທຶນຂອງລັດ, ການເຊັນສັນຍາຜູກພັນ ແລະ ຊໍາລະສະສາງການຈັດຊື້, ຈັດຈ້າງ ຕາມການແບ່ງຂັ້ນຄຸ້ມຄອງ ພ້ອມທັງສະຫຼຸບ ແລະ ລາຍງານ ຕາມລະບຽບທີ່ໄດ້ກໍານົດໄວ້;
  17. ປະສານສົບທົບກັບພາກສ່ວນຕ່າງໆ ແລະ ນໍາເອົາຜົນສໍາເລັດຂອງການຄົ້ນຄວ້າ ທາງດ້ານວິທະຍາສາດ ແລະ ນະວັດຕະກໍາ ຈັດຕັ້ງເຜີຍແຜ່ ໃຫ້ແກ່ການຈັດຕັ້ງ ແລະ ສັງຄົມ ພາຍໃນແຂວງ;
  18. ເກັບກໍາ, ແນະນໍາ, ບໍລິການ ແລະ ສະຫນອງຂໍ້ມູນຂ່າວສານ ທາງດ້ານວິທະຍາສາດ ແລະ ນະວັດຕະກໍາ ໃຫ້ແກ່ການຈັດຕັ້ງ ແລະ ສັງຄົມ ພາຍໃນແຂວງ ຢ່າງທົ່ວເຖິງ;
  19. ຊີ້ນໍາ ຫ້ອງການສຶກສາທິການ ແລະ ກິລາ ເມືອງ;
  20. ພົວພັນ, ຮ່ວມມື ກັບສາຍຕັ້ງ, ສາຍຂວາງ ແລະ ອົງການຈັດຕັ້ງສາກົນ ທັງພາຍໃນ, ຕ່າງປະເທດ ເພື່ອ ພັດທະນາການສຶກສາ ແລະ ກິລາພາຍໃນແຂວງ ຕາມການມອບຫມາຍ;
  21. ຊີ້ນໍາ, ຊຸກຍູ້, ຕິດຕາມ, ກວດກາ - ປະເມີນຜົນ ແລະ ປະກັນຄຸນນະພາບ, ສະຫຼຸບ ລາຍງານການຈັດ ຕັ້ງປະຕິບັດວຽກງານການສຶກສາ, ວິທະຍາສາດ ແລະ ກິລາ ໃຫ້ສາຍຕັ້ງ ແລະ ສາຍຂວາງທີ່ຕົນຂຶ້ນ ກັບໃນແຕ່ລະໄລຍະ;
  22. ປະຕິບັດຫນ້າທີ່ອື່ນ ຕາມການມອບຫມາຍ ຂອງທ່ານເຈົ້າແຂວງ ແລະ ກະຊວງສຶກສາທິການ ແລະ ກິລາ.     

• ຂອບເຂດສິດ
  1. ສະເຫນີຕໍ່ລັດຖະມົນຕີ ແລະ ເຈົ້າແຂວງ ພິຈາລະນາ ແລະ ຮັບຮອງ ແຜນພັດທະນາການສຶກສາ, ວິທະ ຍາສາດ ແລະ ກິລາ;
  2. ສະເຫນີຕໍ່ລັດຖະມົນຕີ ພິຈາລະນາ ແລະ ຮັບຮອງແຜນພັດທະນາຊັບພະຍາກອນມະນຸດ, ແຜນການກໍ່ ສ້າງ, ຝຶກອົບຮົມ, ຍົກລະດັບຄູ ແລະ ບຸກຄະລາກອນການສຶກສາ ແລະ ກິລາ ພາຍໃນແຂວງ;
  3. ສະເຫນີຕໍ່ລັດຖະມົນຕີ ແລະ ເຈົ້າແຂວງ ຈັດຕັ້ງການແຂ່ງຂັນກິລາ-ກາຍຍະກໍາ-ມວນຊົນ, ກິລາລະດັບ ສູງ ແລະ ກິລານັກຮຽນ ພາຍໃນແຂວງ;
  4. ສະເຫນີລັດຖະມົນຕີພິຈາລະນາ, ອະນຸມັດ, ປັບປຸງ, ສ້າງ ຫຼື ຍຸບເລີກບັນດານິຕິກໍາຄຸ້ມຄອງການສຶກສາ ແລະ ກິລາ ທີ່ບໍ່ສອດຄ່ອງ;
  5. ສະເຫນີຕໍ່ລັດຖະມົນຕີ ແລະ ເຈົ້າແຂວງ ພິຈາລະນາ, ອະນຸມັດ, ສ້າງຕັ້ງ ຫຼື ຍຸບເລີກການຈັດຕັ້ງ, ສະຖານການສຶກສາ ແລະ ສະຫນາມກິລາ ໃນຂັ້ນຄຸ້ມຄອງຂອງຕົນ;
  6. ສະເຫນີການແຕ່ງຕັ້ງ, ປົດຕໍາແຫນ່ງ, ບັນຈຸ, ສັບຊ້ອນ, ຍົກຍ້າຍ, ຍ້ອງຍໍ, ປະຕິບັດວິໄນ, ການກໍານົດຕໍາ ແຫນ່ງງານຂອງຄູ ແລະ ບຸກຄະລາກອນການສຶກສາ ແລະ ກິລາ ຕາມການແບ່ງຂັ້ນຄຸ້ມຄອງ ແລະ ຕາມ ກົດຫມາຍ ແລະ ລະບຽບການ;
  7. ຄຸ້ມຄອງ ແລະ ນໍາໃຊ້ ງົບປະມານ, ວັດຖຸ-ຊັບສິນ, ກອງທຶນ, ທຶນຊ່ວຍເຫຼືອປະເພດຕ່າງໆ ຕາມການ ອະນຸມັດຂອງລັດຖະມົນຕີ ແລະ ເຈົ້າແຂວງ;
  8. ປະຕິບັດໂຄງການຊ່ວຍເຫຼືອລ້າ, ໂຄງການຮ່ວມມືກັບຕ່າງປະເທດ ແລະ ອົງການຈັດຕັ້ງສາກົນຕາມການ ອະນຸມັດຂອງລັດຖະມົນຕີ ແລະ ເຈົ້າແຂວງ;
  9. ສະເຫນີລັດຖະມົນຕີ ຄຸ້ມຄອງ ຊັບສິນທາງປັນຍາ ແລະ ລິຂະສິດທາງດ້ານການສຶກສາ ແລະ ກິລາ;
  10. ປະຕິບັດວຽກງານອື່ນຕາມການມອບຫມາຍຂອງລັດຖະມົນຕີ ແລະ ເຈົ້າແຂວງ.